काठमाडाैँ : त्रिदेशीय टी–२० सिरिजमा बिहिबार हुने हङकङविरूद्धको खेलमा नेपालले पहिला बलिङ गर्ने भएको छ।
खेल काठमाडौँको मुलपानी क्रिकेट मैदानमा विहान ११ बजे सुरु हुनेछ ।
यसअघि बुधबार भएको पहिलो खेलमा नेपालले युएईमाथि ७ विकेटको जित हात पारेको थियो। युएईले दिएको १४१ रनको लक्ष्य नेपालले १८.५ ओभरमा पूरा गरेको थियो ।
नेपालको जितमा कप्तान रोहित पौडेल ४० बलमा ५ चौकासहित ५१ रनमा नट आउट रहे । दीपेन्द्रसिंह ऐरी २३ बलमा ३ चौका र १ छक्कासहित ३४ रनमा नट आउट रहे । ओपनर कुशल भुर्तेल १४ रनमा आउट भए । कुशल मल्ल ११ रनमा रन आउट भए ।
जारी शृंखलामा नेपालले खेल्न लागेको यो दोस्रो खेल हो ।
कार्तिक २, २०८० ०२:४६ मा प्रकाशित
