पोखरा । राष्ट्रिय स्वतन्त्र पार्टी (रास्वपा) का सभापति रवि लामिछानेलाई थप २५ दिन हिरासतमा राख्न माग गरिएको छ ।
जिल्ला अदालत कास्कीमा पाँचौ पटक म्याद थपका लागि कास्की प्रहरीले लामिछानेलाई आइतबार अदालतमा पेश गरेको छ । जिल्ला न्यायाधीश हिमलाल बेल्बासेको इजलासमा भर्खरै उनको म्याद थप बारेको बहस सकिएको छ ।
बहसका क्रममा जिल्ला सरकारी वकिल कार्यालय कास्कीले लामिछानेलाई थप २५ दिन हिरासतमा राखेर अनुसन्धान गर्न पाउनु पर्ने भन्दै समय माग गरेको छ । प्रतिरक्षामा लामिछानेतर्फका अधिवक्ताहरूले लामिछानेलाई हिरासतमा राख्नु पर्ने कुनै आधार नभएको भन्दै हिरासत मुक्त गर्न माग गरेका छन् ।
अदालतले आदेश गरिसकेको छैन् । रवि लामिछानेका तर्फबाट नारायण घिमिरे, डा नारायणदत्त कडेल, मेघराज पोखरेल, र हरि सुवेदीले बहश गरेका थिए ।
मंसिर ९, २०८१ ०२:२४ मा प्रकाशित
