काठमाडाैँ : त्रिदेशीय टी–२० सिरिजमा नेपालले विजयी सुरूवात गरेको छ। बुधबार मुलपानी मैदानमा युएईलाई ७ विकेटले हराउँदै नेपालले विजय हात पारेको हो ।
युएईले पुरै २० ओभरमा दिएको १४१ रनको लक्ष्य नेपालले १८.५ ओभरमा पूरा गर्दै जित हात पारेको हो ।
नेपालको जीतमा कप्तान रोहित पौडेलले अवीजित ५१ र दीपेन्द्रसिंह ऐरीले ३४ रन बनाए । पौडेलले ४० बलमा ५ चौकाको मद्दतले नेपालका लागि सर्वाधिक ५१ रन बनाए भने उनका साझोदारी दिपेन्द्र सिंह ऐरीले समेत ३४ रन बनाए
त्यस्तै आसिफ शेखले २३, कुशल भुर्तेलले १४ र कुशल मल्लले ११ रन जोडेर आउट भए ।
टस जितेर फिल्डिङ् रोजेको नेपालसँग पहिले ब्याटिङ गरेको यूएईले निर्धारित ओभरमा ७ विकेट गुमाएर १ सय ४० रन बनाएको थियो ।
जहाँ बासिल हामिदले ५१ रनको अर्धशतकीय इनिङ्स खेलेको थिए भने अल नासिरले ३२, कप्तान मुहम्मद वसीमले १७ तथा आसिफ खानले १५ रन बनाएका थिए । अन्य खेलाडीले दोहोरो अंकको स्कोर समेत छुन सकेनन् ।
त्यस्तै सिरिजमा नेपालले भोलि हङकङसँग खेल्नेछ।
कार्तिक १, २०८० ०८:२६ मा प्रकाशित
