मंसिर २०, २०८०
बाजुराको बूढीनन्दा नगरपालिकाकी एक महिलाले सुत्केरी हुन स्वास्थ्य संस्था जाने क्रममा बीच बाटोमा बच्चा जन्माएकी छन् ।
विराटनगरमा कवाडी गोदाममा आगलागी हुँदा गोदाममा काम गर्ने एक जनाको मृत्यु भएको छ ।
नेपालीलाई रुस पुर्याएर रुसी सेनामा भर्ती गराउने गिरोहलाई प्रहरीले सार्वजनिक गरेको छ । प्रहरीले उक्त कार्यमा संलग्न ११ जनालाई सार्वजनिक गरेको हो ।
सत्तारुढ दलका नेताहरु एनसेलको शेयर खरिदविक्रीबारे छलफल गर्न आज पनि बालुवाटार पुगेका छन् ।
डोल्पामा नेपाल टेलिकमको भरपर्दो सेवा नहुँदा जनताले अहिले सास्ती खेप्नु परेको छ ।
एनसेलले नेपालको विद्यमान कानुनी प्रावधानभित्र रहेरै सेयर किनवेच हुने जनाएको छ ।
राष्ट्रिय स्वतन्त्र पार्टीका उपसभापति स्वर्णिम वाग्लेले एनसेलको खरिद बिक्री प्रकरणमा एनसेलकै सीईओलाई पत्र काटेर छलफलमा बोलाउन माग गरेका छन् ।
नेपाल प्रहरीले काठमाडौँको न्युरोडबाट ७ किलो ८ सय ग्राम अवैध सुनसहित सुन कारोबारमा संलग्न एकजनालाई पक्राउ गरेको छ ।