काठमाडौँ । नाडा अटोमोबाइल एसोसिएसन अफ नेपालको आयोजनामा भाद्र ११ गतेदेखि काठमाडौँमा नाडा अटो शो २०२४ आयोजना हुने भएको छ ।
नाडाले बुधबार काठमाडौँमा पत्रकार सम्मेलन गर्दै भाद्र ११ गतेदेखि १६ गतेसम्म काठमाडौँको भृकुटिमण्डपमा नाडा अटो शो आयोजना गरिएको जनाएको हो । प्रदर्शनीमा २४ चार पाङ्ग्रे ब्रान्डहरू, १९ दुई पाङ्ग्रे ब्रान्डहरु १२ हल्का व्यावसायिक सवारी साधन ब्रान्डहरू प्रदर्शन गरिने आयोजकले जनाएको छ ।
त्यस्तै कम्पनीहरूले लुब्रिकेन्ट, टायर, ब्याट्री, ग्यारेज उपकरण र अन्य अटो कम्पोनेन्टहरूको प्रदर्शन गर्ने र ७ वित्तीय संस्थाहरूले अनुकूल वित्तीय समाधान दिने नाडा अटो शो २०२४ समितिका कार्यबहाक संयोजक अनुप कुमार बरालले जानकारी दिए । मेलालाई व्यवस्थित र भव्य बनाउन ट्राफिक प्रहरीससँग समन्वय गरिएको उनले बताए ।
नाडा अटो शोको ७५ हजारले अवलोकन गर्ने आयोजकको अपेक्षा रहेको छ ।
