काठमाडौं । एनसेलको खरिदबिक्रीबारे छलफल गर्न प्रधानमन्त्री पुष्पकमल दाहाल प्रचण्डले उच्चस्तरीय बैठक बोलाएका छन् । प्रधानमन्त्री निवास बालुवाटारमा सरकारमा सहभागी दलहरुको बैठक जारी छ ।
बैठकमा अर्थमन्त्री, सन्चारमन्त्री, कानूनमन्त्री लगायत विभिन्न विभागीय कर्मचारीहरु सहभागी भएको प्रधानमन्त्रीको सचिवालयले जनाएको छ ।
दूरसञ्चार सेवा प्रदायक कम्पनी एनसेल आजियटा लिमिटेडको शेयर कारोबार विवादमा परेको छ । मलेसियन कम्पनी ‘आजियटा ग्रुप बर्हाड’ले गत एनसेलको ८० प्रतिशत शेयर स्वामित्व अर्को कम्पनी ‘स्पेक्ट्रलाइट युके लिमिटेड’लाई बेच्ने निर्णय गरेपछि यो व्यावसायिक कारोबारको कानुनी प्रक्रियाको वैधता र आर्थिक पादर्शितामाथि गम्भीर प्रश्न उब्जिएका छन् । नागरिकस्तरदेखि संसदीय समितिसम्ममा यो विषयले प्रवेश पाएको छ । यो कारोबारको वास्तविकता खोजेर जानकारी गराउन सरकार र मातहतका निकायमाथि चर्को दबाब छ ।
