काठमाडाैँ । समाजवादी प्रेस संगठन नेपालले सिधाकुराका पत्रकारद्वयलाई जेल पठाउने सर्वोच्च अदालतको फैसला त्रुटीपूर्ण रहेको बताएको छ । संगठनका अध्यक्ष विश्वमणि सुवेदीले एक विज्ञप्ती सार्वजनिक गर्दै अदालतलाई सो फैसला पुनरावलोकन गर्न माग गरेका छन् ।
सिधाकुराका प्रकाशक र सम्पादकलाई कैद गर्ने सर्वोच्चको फैसलाले प्रेस तथा अभिव्यक्ति स्वतन्त्रता कुण्ठित गर्ने अभ्यास भएको संगठनको ठहर छ । ‘यस मामिलामा गरिएको कारवाहीको प्रक्रिया र राखिएको नियतले नेपालको प्रेस तथा अभिव्यक्ति स्वतन्त्रताको आन्दोलनलाई गम्भीर रुपमा झस्काएको छ । यो आन्दोलनले सोच्दै नसोचेको बाटोबाट प्रेस तथा अभिव्यक्ति स्वतन्त्रता कुण्ठित गर्ने अभ्यास भइरहेको यस संगठनको ठहर छ ।’, विज्ञप्तीमा भनिएको छ ।
त्यस्तै पत्रकार आचारसंहिताको अनुगमन गर्ने निकाय हुँदाहुँदै पत्रकारहरुलाई समाचार लेखेकै कारण गरिएको कैद सजायको फैसलाको समाजवादी प्रेस संगठन नेपालले भत्र्सना गरेको छ । ‘पत्रकार आचारसंहिताको अनुगमन गर्नका निम्ति राज्यले स्थापन गरेको निकायलाई समेत नजरअन्दाज गर्दै सिधै सर्वोच्च अदालतले पत्रकारहरुलाई कैद एवं जरिवाना गर्ने कुरा विधिसंगत भएन् ।’, विज्ञप्तीमा उल्लेख छ, ‘संविधानको प्रस्तावनाले सुनिश्चित गरेको अभिव्यक्ति स्वतन्त्रताको उपहास गर्दै पत्रकारहरुलाई पत्रकारहरुलाई समाचार लेखेकै कारण गरिएको यो कैदको हामी भत्र्सना गर्दछौँ ।’
त्यस्तै ‘माफी मागेमा सात दिनसम्म सजाय हुने जस्ता शब्दको प्रयोग गरेर अदालतले मोलमोलाईमा उत्रिएका भन्दै उक्त त्रुटीपूर्ण आदेश पुनरावलोकन गर्न संगठनको माग छ ।
