नेपाल प्रिमियर लिगको फाइनलमा पुग्न जनकपुर बोल्ट्ससलाई कर्णाली याक्ससले ११९ रनको टार्गेट दिएको छ । टस जितेर पहिले ब्याटिङ गरेको कर्णालीले ९ विकेटको क्षतिमा ११८ रन बनाएको थियो । कर्णालीका लागि गुल्सन झाले २५ रन बनाए भने ओपनर देव खनाल २४ रन, जयकिसन कोल्सावाला १ रन बनाएका थिए ।
यस्तै जिसन मक्सुद १२ रन बनाउँदा चान्डविक वाल्टन ११ रन र कप्तान सोमपाल कामी ५ रन बनाउँदा अर्जुन घर्ति २ रनमा रनआउट भएका थिए
अहिले जनकपुरले केहीबेरमा जवाफी ब्याटिङ सूरु गरेको छ । पहिलो क्वालिफायरमा सुदुरपश्चिम रोयल्ससँग ८ विकेटले पराजित भएपछि जनकपुरले दोस्रो क्वालिफायर खेल्न लागेको हो।
कर्णालीले भने एलिमिनेटर खेलमा चितवन राइनोजलाई २१ रनले पराजित गर्दै दोस्रो क्वालिफायरमा स्थान बनाएको हो।
पुस ४, २०८१ ०२:१७ मा प्रकाशित
