काठमाडाैँ । नेपाली कांग्रेसका महामन्त्री गगनकुमार थापाले भष्ट्राचारको फाइल खोज्ने बिषयलाई धम्कीको बिषय बनाउन नहुने बताएका छन् ।
सिहदरबारमा बिहीबार बसेको प्रतिनिधिसभा अन्तर्गतको राज्य व्यवस्था तथा सुशासन समिति बैठकमा उनले सत्तापक्ष र प्रतिपक्षीबीच भष्ट्राचारको फाइल खोल्ने बिषयमा आरोप प्रत्यारोप भएको देखिएकाले यसलाई धम्कीको बिषय बनाउन नहुने बताएका हुन् ।
उनले भष्ट्राचारका कुन कुन फाइल खोल्ने भन्ने बिषयमा सहमति नै गरि अघि बढ्न शीर्ष नेताहरुलाई सुझाव दिए । फाइलको कुरा सुन्दा सुन्दा नागरिकहरुपनि आजित भइसकेको र उनीहरुमा नेताहरुप्रति नकारात्मक सोच उत्पन्न भएको उनले बताए । निर्दाेष कोही पनि नपर्ने र दोषी नउम्कने गरि भ्रष्टाचारसम्बन्धी काम गर्न शक्तिशाली आयोग बनाउन प्रमुख दल तयार हुनुपर्ने उनको भनाइ छ ।
थापाको धारणापछि माओवादी अध्यक्ष प्रचण्डले प्रमुख नेताहरु संगै बसेर समाधान निकाल्न उचित हुने बताए ।
