काठमाडौँ । पाथीभरा केबलकार प्रकरणः सरकार र आन्दोलनरत पक्ष पहिलो चरणको समझदारीको नजिक पुगेका छन् । ललितपुरको एक होटलमा बसेको दुई पक्षबीचको वार्तामा ६ बुँदे समझदारी हुन लागेको आन्दोलनरत पक्षबाट वार्तामा सहभागी एक सदस्यले सिधाकुरालाई बताए ।
‘सरकार केबलकार बनाउने कार्यबाट पछि हटेपछि लगभग समझदारी बनेको छ,’ ति सदस्यले सिधाकुरासँग भने,‘२७ गते सरकारसँग पूर्ण वार्ता गर्ने गरी अहिले केबलकार निर्माण कार्य रोक्ने, सरकारले पक्राउ गरेकाहरूलाई बिनासर्त रिहाई गर्ने र वार्ताको वातावरणका लागि आन्दोलनका सबै कार्यक्रम स्थगन गर्ने गरी समझदारी भएको छ ।’ उनका अनुसार उक्त सम्झौतामा अब हस्ताक्षर हुनेछ ।
माघ २२, २०८१ ०९:५३ मा प्रकाशित
