काठमाडाैँ । चौतर्फी विरोधपछि प्रतिनिधिसभाको सार्वजनिक लेखा समितिका सभापति ऋषिकेश पोखरेलले अनिल कुमार पोखरेललाई स्वकीय सचिवको जिम्मेवारीबाट हटाएका छन् ।
एक युवतीको एमबिबिएस इन्ट्रान्स परिक्षामा नाम निकालिदिने भन्दै ३८ लाख बढी रकम लिएको आरोपछि उनलाई जिम्मेवारीबाट हटाएको पोखरेलले बताएका छन् ।
सभापति पोखरेलले एक विज्ञप्ति सार्वजनिक गर्दै आफ्ना स्वकीय सचिव अनिलविरुद्ध उच्च अदालत मोरङबाट पक्राउ पुर्जी जारी भएको खबर प्राप्त भएको र सो विषयमा अनुसन्धानलाई प्रभावित नहोस् भनेर आफूले जिम्मेवारीबाट हटाएको बताएका छन् ।
अनिलले सप्तरीकी एक युवतीको एमबिबिएस इन्ट्रान्स परिक्षामा नाम निकाल्दिने भन्दै उनका बाबु बौआलाल चौधरीसँग ३८ लाख ३० हजार रुपैयाँ लिएको आरोप छ । परिक्षामा नाम निकाल्दिने भन्दै पैसा लिएको तर नाम ननिक्लिएपछि ती युवतीका बाबुले उक्ट घटना बाहिर ल्याएका थिए ।
