चितवन । नारायणगढ मुग्लिन सडक खण्डको केराबारीमा पर्ने त्रिशूली नदी बीचमा बस जस्तो देखि वस्तु भेटिएको स्थानीयले बताएका छन् । साँझमा रातो वस्तु देखिएपछि स्थानीयले प्रहरीलाई खबर गरेका थिए ।
अहिले केराबारीमा पुुगेको पत्रकार हेमराज शर्माका अनुसार गोताखोरको टोली रातो वस्तु देखिएको भनिएको ठाउँमा पुगेपनि साँझ परिसकेकाले अहिलेनै नदिमा छिर्न सक्ने अवस्था छैन ।
उनका अनुसार बसको कुनै भाग जस्तो देखिने रातो वस्तु देखिएपनि बस नै भएको एकिन भने भएको छैन । आज दिउसो भारतीय उद्धार टोलीले त्यही वरपर खोजि गरि फर्कीएको थियो ।
२० केजीका दुईवटा चुम्बक प्रयोग गरेर खोज्दा पनि बस भेटिएको थिएन भने एउटा चुम्बकनै त्रिशुलीले बगाएको थियो ।
श्रावण १२, २०८१ ०८:२५ मा प्रकाशित
