सहकारीको रकम हिनामिना छानबिन संसदीय विशेष समितिको पहिलो बैठक सुरु भएको छ । संसद भवन बानेश्वरस्थित शंकर हलमा बैठक चलिरहेको छ । बैठकमा सभामुख देवराज घिमिरे समेत उपस्थित छन् ।
नेपाली कांग्रेसले उपप्रधान तथा गृहमन्त्री रवि लामिछाने सहकारी ठगीमा संलग्न रहेको भन्दै निरन्तर संसद अवरुद्ध गर्दै संसदीय छानबिन समितिको माग गरेको थियो । निरन्तरको अवरोधका बिच सरकारले सहकारीको रकम हिनामिना छानबिन गर्न एमाले सांसद सूर्य थापाको संयोजकत्वमा ७ सदस्यीय समिति गठन गरेको थियो । समितिमा ईश्वरीदेवी न्यौपाने, ध्रुवबहादुर प्रधान, बद्री पाण्डे, लेखनाथ दाहाल, शिशिर खनाल, सरिता भुसाल रहेको छन् ।
जेष्ठ २३, २०८१ ०२:४९ मा प्रकाशित
