काठमाडाैँ । सहकारी ठगी प्रकरणमा फरार रहेका बागलुङको ढोरपाटन नगरपालिकाका मेयर देवकुमार नेपाली पक्राउ परेका छन् । प्रहरीले उनलाई भारतको नयाँदिल्लीबाट नियन्त्रणमा लिएको हो ।
इमेज सहकारीका संस्थापक अध्यक्ष रहेका मेयर नेपालीले डेढ अर्बभन्दा बढी रकम अपचलन गरेको भन्दै जिल्ला अदालत बाग्लुङमा मुद्दा परेको थियो । सोही प्रकरणमा अभियुक्त रहेका उनी फरार थिए । मेयर नेपालीलाई पक्राउ गर्न इन्टरपोलमा रेड नोटिस जारी भएको थियो ।
यसअघि नै रेड कर्नर नोटिस जारी भएका उनलाई नेपाल ल्याउने तयारी गरिएको नेपाल प्रहरीको केन्द्रीय अनुसन्धान ब्यूरो (सिआइबी)ले जनाएको छ ।
मेयर नेपाली अध्यक्ष रहेको सहकारीले १५ सय बढी बचतकर्ताको बचत अपचलन गरेको आरोप छ ।
आश्विन ११, २०८१ ०४:५४ मा प्रकाशित
