काठमाडाैँ । राष्ट्रिय स्वतन्त्र पार्टी (रास्वपा)ले आज गर्ने भनिएको पत्रकार सम्मेलन स्थगित भएको छ । शुक्रबारका लागि बोलाइएको पत्रकार सम्मेलन आइतबार सम्मका लागि सरेको हो ।
त्यस्तै रास्वपाले आइतबारका लागि केन्द्रीय समितिको बैठक समेत बोलाएको छ । आइतबार बिहान ११ः३० बजे पार्टी केन्द्रीय कार्यालयमा बस्ने गरी बैठक आह्वान गरिएको हो । सो बैठकपछि पत्रकार सम्मेलन गर्ने तयारी रहेको पार्टीका एक नेताले बताए ।
पछिल्लो समय विकसित भएका राजनीतिक घटनाक्रम र सहकारी ठगी प्रकरणमा सरकारले रास्वपा सभापति रवि लामिछानेलाई नियोजित तवरले पक्राउ गर्ने नियत राखेको भन्दै पार्टीपंति आक्रोशित छ । गोरखा मिडिया नेटवर्कका तत्कालीन सञ्चालक छविलाल जोशीलाई सहकारी प्रकरणमा प्रहरीले पक्राउ गरेसँग रवि लामिछानेलाई समेत पक्राउ गर्ने हल्ला चलाइएको थियो । त्यससँगै चिनियाँ भ्रमणमा रहेका रास्वपाका नेताहरु बिहिबार नेपाल आइसकेका छन् । उनीहरु नेपाल आएसँगै आज गर्ने भनिएको पत्रकार सम्मेलन स्थगित भएको हो । पार्टीले आइतबारको केन्द्रीय समिति बैठकपछि पत्रकार सम्मेलन गर्ने तयारी गरेको छ ।
-
सरोज अधिकारी 2 months agoगुड लक रवि दाई I I'm with रास्वपा🔔🔔🔔🇳🇵🇳🇵🇳🇵🇳🇵🔔🔔💐💐
-
सरोज अधिकारी 2 months agoसत्य तत्थ र निष्पक्ष New को लागी सिधाकुरा नेपाल टाइम्स को जस्तै 2 To 3 मिनेटको समाचारहरु हरेक आघा घण्टा मा अप्लोड गर्नुपऱ्यो youtub मा बल्ल views आउँछ लामो vidieos होइन छोटो छोटो बनाउनु पर्छ
