काठमाडौँ । काठमाडौँको वनस्थलीस्थित अन्नपूर्ण चोकको नालीमा मोटरसाइकल खस्दा बेपत्ता भएका युवाको परिचय खुलेको छ । शुक्रबार साँझ भएको दुर्घटनामा सिन्धुपाल्चोक घर भई हाल रानीवन बस्ने १९ वर्षीय राजन श्रेष्ठ बेपत्ता भएको स्थानीयले बताएका छन् ।
निरन्तर वर्षसँगै अन्नपूर्णचोक नालीको बहाव बढेको थियो । सोही चोक हुँदै मुख्य सडकमा निस्किँदै गरेको बागमती प्रदेश ०२ ०१८ प २९७३ नम्बरको हिरो मोटरसाइकल नालीमा पल्टिएको थियो। मोटरसाइकल नालीको किनारमै रोकिएपनि श्रेष्ठलाई बगाएको छ । उनको खोजीकार्यका लागि अहिले सशस्त्र प्रहरीको एसपी शैलेश श्रेष्ठको नेतृत्वमा गोताखोरसहित ३५ जना विपत् उद्धारको टोली घटनास्थलमा खटिएको छ।
साथै नेपाली सेना र प्रहरी पनि खोजी कार्यमा लागेका छन् ।
आश्विन ११, २०८१ १०:२४ मा प्रकाशित
