धनकुटा । पहिरोले घर पुरिदा धनकुटा र पाँचथरमा पाँच जनाको मृत्यु भएको छ भने चार जना बेपत्ता भएका छन् । पाँचथरमा पहिरोले पुरिएर फिदिम ४ चिसापानीकी २४ वर्षीया सपना शेर्पा र उनकी ५ वर्षीया छोरी डोल्मा शेर्पाको मृत्यु भएको छ ।
यस्तै पाँचथरको फिदिम १ साँगेबोटेमा पहिरोले घर पुरिदाँ गोपी विश्वकर्माको मृत्यु भएको छ भने ४ जना बेपत्ता भएको प्रहरीले जनाएको छ । उनीहरु स्थानीय राजकुमार नेम्बाङको घरमा भाडामा बस्दै आएका थिए ।
पहिरोले घर गोठ सबै पुरेको छ । यस्तै धनकुटाको पाख्रीबास नगरपालिका– ५ मा पहिरोले घर पुरिदा स्थानीय ५० वर्षीया रामकुमारी तामाङ र ३२ वर्षीया आशा तामाङको मृत्यु भएको हो । उनीहरु पनि आमा छोरी रहेको प्रहरीले जनाएको छ ।
आश्विन १२, २०८१ १०:१३ मा प्रकाशित
