काठमाडौँ । ललितपुर महानगरपालिका वडा नं.१४ स्थित नखिपोटको नख्खु खोलाले हेर्दाहेर्दै २ बच्चा सहित चार जनालाई बगाएको छ । राति देखिनै उद्धारको पखाईमा जस्ता घरको माथि बसिरहेका उनीहरूलाई बिहान ९ बजेसम्म पनि उद्धार हुने सकेको थिएन ।
सुरक्षाकर्मी तथा स्थानीयहरुले उद्धारको प्रयास गर्दा गर्दै खोलामा जस्ताको घरको माथि बसिरहेका दुई बच्चासहित चार जनालाई खोलाले बगाएको छ । सुरक्षाकर्मीले उद्धारको प्रयास गर्दा गर्दै बाढीले घर ढलाएको थियो । जस्ता माथि बसेकाउनीहरु खोला खसेसँगै बगेका थिए ।
पौडीखेलेर निस्कीने प्रयास गरेपनि तिव्रगतिमा रहेको भेलले उनीहरुलाई बगायो । स्थानीयहरुले बिहानैदेखि फेसबुकमा भिडियो लाइव गर्दै हेलिकप्टरबाट उद्धारकालागि अनुरोध गरेका थिए । प्रहरीले भने उद्धारको प्रयास हुँदाहुँदै बगाएको परिवारको पहिचान भैनसकेको जनाएको छ ।
आश्विन १२, २०८१ १०:२४ मा प्रकाशित
