बचतकर्ताको ४० करोड रकम अपचलन गरेको आरोपमा अम्बे कोसी बचत तथा ऋण सहकारी संस्थाका ५ जना पक्राउ परेका छन् । इटहरीमा सञ्चालित सहकारीका सञ्चालक सहित ५ जना पक्राउ परेका हुन् ।
पक्राउ पर्नेमा अध्यक्ष फणीन्द्र मगर, शिला गजमेर, राहुल अग्रवाल र कुमार आले लगायत रहेका छन् । बचतकर्ताले जम्मा गरेको रकम फिर्ता नपाएपछि बचतकर्ताहरुले जिल्ला प्रशासन कार्यालयमा उजुरी दिएका थिए । प्रशासनमा उजुरीपछि बचतकर्ता र सञ्चलकबिच भएको वार्तामा रकम फिर्ता गर्ने सहमति भएको थियो । तर सहमति बमोजिम सहकारी सञ्चालकहरुले रकम फिर्ता गर्न नसकेको र प्रदेश सहकारी रजिस्ट्रार तथा प्रशिक्षण कार्यालयले ठगी मुद्दा दायर गरेपछि उनीहरुलाई पक्राउ गरिएको सुनसरी प्रहरीले जनाएको छ ।
अम्बे कोसी बचता तथा ऋण सहकारी विराटनगर र झापामा समेत सञ्चालनमा छ ।
मंसिर ९, २०८० ०७:०१ मा प्रकाशित
