काठमाडौँ । राइड सेयरिङ एप इन्ड्राइभमार्फत युवतीलाई दुर्व्यवहार गरेको आरोपमा एक युवक पक्राउ परेका छन् । जिल्ला प्रहरी परिसर काठमाडौँले चितवन घर भएका प्रबिन बराललाई पक्राउ गरेको हो ।
चितवन घर भएका २५ वर्षीय बरालले इन्ड्राइभमार्फत राइड बुक गरेकी एक युवतीलाई अनुचित प्रस्ताव राखेका थिए । गत माघ २ गते मुग्लिनबाट काठमाडौँ आउनका लागि इन्ड्राइभ बुक गरेकी एन्जिला खनाल नाम गरेकी एक युवतीले इन्ड्राइभमार्फत राइड बुक गरेको तर ती चालकले युवतीलाई ह्वाट्सएपमा मेसेज गरेर दुव्र्यवहार गरेको आरोपमा प्रहरीले पक्राउ गरेको हो ।
मुग्लिनबाट काठमाडौँ आउनका लागि इन्ड्राइभ बुक गरेकी एक महिला यात्रुलाई ती चालकले बिच बाटोमा एकान्तमा बस्न र त्यसबापत भाडा नलिने प्रस्ताव गरेको विषय सार्वजनिक भएको थियो ।
ती युवतीले आफूमाथि अमर्यादित प्रस्ताव गरिएको भन्दै न्यायको माग गरेकी थिइन् । उनले सामाजिक सञ्जाल टिकटकबाट आफूमाथि भएको दुव्र्यवहार सार्वजनिक गरेकी थिइन् भने प्रहरीमा समेत उजुरी दिएकी थिइन् । युवतीको उजुरीका आधारमा प्रहरीले बराललाई पक्राउ गरेको हो ।
सम्बन्धित समाचार :
असुरक्षित बन्दै इन्ड्राइभः चालकले महिला यात्रुलाई अमर्यादित प्रस्ताव गरेको घटना सार्वजनिक
