रुपन्देही । राष्ट्रिय स्वतन्त्र पार्टीका सभापति रवि लामिछानेको थुनछेक बहस जिल्ला अदालत रुपन्देहीका न्यायाधीश प्रल्हादकुमार योगीको इजलासमा हुने भएको छ । बुधबार अदालत खुल्नासाथ उपस्थित भएका लामिछानेको थुनछेक बहस योगीको इजलासमा तोकिएको हो ।
लामिछानेविरुद्ध बुटवलको सुप्रिम ऋण तथा बचत सहकारी संस्थाको रकम ठगी र संगठित अपराधको कसुरमा मुद्दा दायर गरिएको छ ।
सुप्रिम सहकारीको १ अर्ब ३१ करोड रुपैयाँ अपचलनको आरोपमा लामिछानेसहित ४२ जनालाई प्रतिवादी बनाएर रुपन्देही जिल्ला अदालतमा मुद्दा दर्ता भएको छ । उनीहरुविरुद्ध आइतबार सरकारी वकिलले अदालतमा मुद्दा दायर गरेको हो ।
लामिछानेको इजलास तोकिएसँगै सुरुमा उनको बयान हुनेछ । त्यसपछि मात्रै सरकारी वकिल, जाहेरवाला र प्रतिवादीका कानुन व्यवसायीले थुनछेक बहस गर्नेछन् ।
माघ ९, २०८१ ११:२६ मा प्रकाशित
