मेडिकल व्यवसायी दुर्गा प्रसाईंको नेतृत्वको समूहको प्रदर्शनलाई साथ दिन गौशाला पुगेका विवादित धर्मगुरु आचार्य श्रीनिवास पक्राउ परेका छन् ।
गेरुवस्त्रमा त्रिसुलसहित सडकको बिच भागमा ट्रकमाथि चढेर उग्र अभिव्यक्ति दिँदै सडक अवरुद्ध गर्ने प्रयास गरेका उनीसहित अन्य प्रदर्शनकारीलाई प्रहरीले नियन्त्रणमा लिएको छ ।
आफ्ना समर्थकसहित प्रसाईँको आन्दोलनलाई साथ दिन पुगेका उनले प्रदर्शनकारीलाई सडकमै सुतेर सडक अवरुद्ध गर्न आव्हान गरेका थिए । उनको उग्र भिडलाई नियन्त्रण गर्ने क्रममा प्रहरीमाथि नै जाइलागेपछि उनलाई नै नियन्त्रणमा लिएको प्रहरीले जनाएको छ ।
धर्मगुरु आचार्य श्रीनिवास धर्मका नाममा अराजक फैलाउने पात्र हुन् । उनले यसअघि पनि घर्मका विषयमा अराजक र आपत्तिजनक उभिव्यक्ति दिँदै आएका छन् ।
मंसिर ११, २०८० ०८:३६ मा प्रकाशित
