राष्ट्रिय स्वतन्त्र पार्टीका सभापति रवि लामिछानेले पार्टी कार्यालय उपस्थित नेता कार्यकर्तालाई सम्बोधन गर्ने भएका छन् । सहकारी प्रकरणमा पक्राउ गर्ने हल्लाकाबिच पार्टी कार्यालयमा ठुलो सङ्ख्यामा उपस्थित भएका नेता कार्यकर्तालाई सभापति लामिछानेले सम्बोधन गर्ने केन्द्रिय सदस्य विराजभक्त श्रेष्ठले जानकारी दिए ।
जिल्ला प्रहरी कार्यालय कास्किले लामिछानेका विरुद्ध कुनै पनि पक्राउ पुर्जी जारी नभएको बताइरहँदा विभिन्न सचारमाध्यमा भने लामिछानलेलाई पक्राउको तयारी भन्दै समाचार आइरहेका छन् ।
यस विषयमा प्रहरी उच्च स्रोतले पनि लामिछानेलाई तत्काल पक्राउ गर्ने तयार नभएको दाबी गरेको छ । तर संचार माध्यमले लामिछानेलाई पक्राउ तयार भनेर समाचार प्रकाशन प्रसारण गरेपछि ठुलो संख्यामा नेता कार्यकर्ता पार्टी कार्यालय चमतीमा जम्मा भएका छन् । सहकारीको बहानामा राजनीतिक प्रतिशोध साँधेर सभापतिलाई पक्राउ गर्न खोजिएको भन्दै रास्वपाका नेता कार्यकर्ता आक्रोशित भएका छन् ।
साथै उपसभापति डिपि अर्यालले पनि दुई तिहाईको धम्भ देखाएर सरकारले सभापति लामिछानेलाई पक्राउ गर्न खोजेको भन्दै रास्वपाले प्रतिकार गर्ने बताएका छन्।
