काठमाडौँ । नेपाल प्रहरीका पूर्वडीआइजी छविलाल जोशी पक्राउ परेका छन् । प्रहरीले उनलाई काठमाडौँबाट पक्राउ गरेको हो । केहीबेर अघि जोशीलाई उनकै निवासबाट पक्राउ गरिएको नेपाल प्रहरीका केन्द्रिय प्रवक्ता डीआइजी दान बहादुर कार्कीले जानकारी दिए ।
‘उहाँलाई भर्खरै पक्राउ गरिएको हो’ डीआईजी कार्कीले सिधाकुरासँग भने । सहकारी ठगी आरोपमा संसदीय छानबिन टोलीले दिएको प्रतिवेदन कार्यन्वयनका सिलसिलामा उनलाई पक्राउ गरिएको प्रहरीले जनाएको छ।
आइतबार दिउँसो ३ः १५ बजे कास्की जिल्ला अदालतले जोशी विरुद्ध पक्राउ पुर्जी जारी गरेको थियो । जोशी गोरखा मिडिया नेटवर्कका पूर्व सञ्चालक हुन् ।
आश्विन ६, २०८१ ०५:३८ मा प्रकाशित
