काठमाडौँ । सुनको मूल्यले नयाँ रेकर्ड बनाएको छ । नेपाल सुनचाँदी व्यवसायी महासंघका अनुसार सुनको मूल्यले हालसम्मको सबै रेकर्ड तोडेको हो ।
महासंघका अनुसार बुधबार छापावाल सुनको मूल्य प्रतितोला १ लाख ६१ हजार ८०० रुपैयाँ कायम भएको छ । यसअघि सुनको मूल्यले साउन १८ गते रेकर्ड बनाएको थियो । सो समयमा सुनको मूल्य १ लाख ६१ हजार ३०० रुपैयाँ कायम थियो ।
त्यस्तै बुधबार चाँदीको मूल्य पनि बढेको छ । मंगलबार प्रतितोला १ हजार ९२५ रुपैयाँ मूल्य कायम भएको चाँदीको मूल्य बुधवार बढेर १ हजार ९५० रुपैयाँ कायम भएको छ ।
आश्विन ३०, २०८१ ११:०७ मा प्रकाशित
