काठमाडाैँ । प्रधानमन्त्री केपी शर्मा ओलीले बाल गायक सचिन परियारको निधनलाई लिएर दुःख व्यक्त गरेका छन् । सामाजिक सञ्जाल फेसबुकमा एक स्टाटस राख्दै प्रधानमन्त्री ओलीले दुःख व्यक्त गर्दै श्रद्धाञ्जली प्रकट गरेका हुन् ।
ओलीले पारिवारिक बेमेल र सामाजिक सञ्जालको भाइरल प्रवृत्तिले सो घटना निम्तिएको र यस घटनाले सामाजिक सम्बन्धका सम्बन्धमा संवेदनशील विषयमा सजग भएर प्रतिक्रिया दिनुपर्ने पाठ सिकाएको बताएका छन्। उनले लेखेका छन्, ‘बाल गायक सचिन परियारको निधन भएको खबरले धेरै दुःखी छु। एकजना प्रतिभाशाली बालकमाथि पारिवारिक बेमेल र सामाजिक सञ्जालको भाइरल प्रवृत्तिले असर पुर्याएको यस घटनाले सामाजिक सम्बन्धका संवेदनशील विषयमा सजग भएर मात्र प्रतिक्रिया दिनुपर्छ भन्ने सबैलाई पाठ सिकाएको छ। बाल गायक सचिनलाई हार्दिक श्रद्धाञ्जली !!’
पुस १८, २०८१ ०४:५० मा प्रकाशित
