काठमाडाैँ । सिस्नेरीको पहिरोमा ज्यान गुमाएका एन्फा एकेडेमीका बालकहरूको परिवार तथा आफन्तजनले एन्फा कम्प्लेक्समा धर्ना दिएका छन् । ६ जना बालकहरूको ज्यान गएको उक्त घटनाबारे सरकारले छानबिन समिति बनाउनुपर्ने माग राख्दै बिहिबार उनीहरुले धर्ना दिएका हुन् ।
धर्नामा बसेका पीडित परिवारलाई प्रहरीले सो क्षेत्रबाट हटाउन खोज्दा केही सयम माहोल अशान्त बनेको थियो । केही अभिभावकलाई प्रहरीले लछारपछारसमेत गरेको थियो । पीडितहरू एन्फा कम्प्लेक्सभित्र पस्न खोज्दा प्रहरीले गेटमा रोकेका छन् ।
एन्फाले पीडित परिवारलाई ८ लाख रुपैयाँ राहत दिने घोषणा गरेको छ । तर, पीडितहरूले आर्थिक सहायताभन्दा पनि घटनाको यथार्थ छानबिन गरि दोषीलाई कारबाही हुनुपर्ने बताइरहेका छन् ।
मंसिर ६, २०८१ ०२:३२ मा प्रकाशित
