काठमाडौँ । राष्ट्रिय स्वतन्त्र पार्टीको केन्द्रीय समिति बैठकले सरकारले सभापति रवि लामिछानेमाथि साँधेको राजनीतिक प्रतिशाेधविरुद्ध पार्टी एक ढिक्का भएर आन्दोलनमा उत्रने निर्णय गरेको छ । मंगलबार साँझ बोलाइएको आकस्मिक केन्द्रीय समिति बैठक नटुङ्गिएपछि आज दिउँसो ३ बजेदेखि पार्टी कार्यालय वनस्थलीमा बैठक बसेको थियो । उक्त बैठकले पार्टी एक ढिक्का भएर दोस्रो चरणको आन्दोलनमा उत्रने निर्णय गरेको कार्याबाहक प्रवक्ता मनिष झा ले जानकारी दिए ।
‘उपनिर्वाचनमा हामीले उम्मेदवार उठाएको स्थानमा गएर हाम्रो अभियान र परिस्थितिबारे जानकारी गराउँदै आन्दोलनलाई निरन्तरता दिन्छौँ ।’ कार्यबाहक प्रवक्ता झाले भने, ‘हामीले अहिलेसम्म सडकमा उद्दण्ड हुने, सार्वजनिक सम्पत्तिमा क्षति पुर्याउने, सुरक्षाकर्मीलाई घाइते बनाउने त्यस्तो केही पनि गरेका छैनौँ । र हाम्रो आन्दोलनको त्यस्तो आशय पनि छैन । आगामी दिनमा पनि अनुशासित आन्दोलन हुनेछ ।’
उक्त बैठकले सरकारले देखाएको पक्षपाति व्यवहारले सभापति लामिछानेमाथि प्रतिशोध सांधेको स्पष्ट देखिएको पनि बताए ।
त्यस्तै माइतिघरमा सहकारी पीडितको आन्दोलनमा प्रहरीले गरेको दमनको राष्ट्रिय स्वतन्त्र पार्टी (रास्वपा)ले घोर भत्र्सना गरेको पनि जानकारी दिए । उनले भने, ‘आज सहकारी पीडितहरुले न्याय माग्दै गर्दा जुन दमन भयो राज्यबाट त्यसको घोर भत्र्सना र बिरोध गर्दछौँ ।’
