काठमाडौँ । काठमाडौँका नदी तथा खोला किनारकको मापदण्ड खारेज गर्न माग गर्दै काठमाडौँमा प्रदर्शन गरिएको छ । भूमि अधिकार संरक्षण संघर्ष समिति र गैर न्यायीक सडक तथा खोला मापदण्ड पीडित संघर्ष समितिले र्याली निकालेको हो । जनतालाई उठिबास गर्ने गैर न्यायीक सडक तथा खोला मापदण्ड खारेजको माग राखि दबाब स्वरुप र्याली निकालिएको प्रदर्शनमा सहभागीहरुले बताएका छन् । उनीहरुले ललितपुरको कुपण्डोलस्थित बागमती नदी किनारबाट र्याली सुरु गरेका हुन् । र्याली अहिले माइतीघर मण्डलातर्फ अघि बढेको छ ।
२०८० पुस ३ गते सर्वोच्च अदालतले बागमती, विष्णुमती लगायत उपत्यकाका ठूला नदी तथा खोला किनारमा ४० मिटर जग्गा छाडेर मात्र संरचना निर्माण गर्न पाइने फैसला गरेको थियो । यसअघि खोला किनाराको मापदण्ड २० मिटर थियो । तर सर्वोच्चले २० मिटरको मापदण्डलाई बढाएर ४० गरेपछि निरन्तर आन्दोलन तथा प्रदर्शन हुँदै आएको छ ।
