काठमाडौँ । नेकपा माओवादी केन्द्रका सचिव देवेन्द्र पौडेलले कुलमान घिसिङलाई पदबाट हटाउन खोजिएको भन्दै आपत्ति जनाएका छन् ।
सोमबार प्रतिनिधिसभा बैठकको शुन्य समयमा बोल्दै पौडेलले उज्यालो नेपाल बनाउनका लागि मुख्य भूमिका खेल्ने कुलमान घिसिङलाई पदबाट हटाउन खोजिएको भन्दै आपत्ति जनाएका हुन् ।
‘लोडसेडिङ हटाएर, उज्यालो नेपाल बनाएर र घाटामा गएको प्राधिकरणलाई नाफामा लगेर कुलमानले के गल्ती गरे ? पौडेलले प्रश्न गरे । उनले कुलमानलाई हटाउनको साटो सम्मान गर्न सुझाव दिए ।
उनले विद्युतको बक्यौता नतिर्नेको लाईन काटिनुपर्नेमा जोड दिए । पौडेलले ऊर्जामन्त्रीको विरोध गर्नेलाई छानी छानी हटाउने काम भएको भन्दै आक्रोश व्यक्त गरे ।
फाल्गुन १२, २०८१ ०३:१४ मा प्रकाशित
