काठमाडौँ । उपप्रधान एवं गृहमन्त्री रवि लामिछानेले ठूलो माछो उम्काउन परेको दिन आफू पदमा नबस्ने बताएका छन् । काठमाडौँ आयोजित विशेष सम्बोधन कार्यक्रममा उनले गलत गर्ने जो कोहिलाई कारबाहीको दायरमा ल्याउने बताएका हुन् ।
गृहमन्त्री लामिछानेले कृष्णबहादुर महरालाई हाजिरी जमानीमा छाडिएको कुरालाई अतिरञ्जित गर्न नहुने बताए । उनले दोषी कोही पनि नउम्किने र निर्दोष कोहि पनि नफस्ने अठोट पनि गरे । लामिछानेले भने, ‘माछा ठुलो होस्, चिप्लो होस, टाठो होस् जस्तो सुकै होस् माछा उम्काउनुपर्यो भने एक मिनेटमा राजिनामा दिएर निस्कन्छु ढुक्क हुनुुहोला तर भनेकै समयमा भनेकै माछा भने नहुन सक्छ ।’
चैत्र १०, २०८० ०५:२३ मा प्रकाशित
