२४ भदौ, काठमाडौं । ६० किलो सुन प्रकरणमा प्रहरीले बिध ल्यावका सञ्चालक भिमकान्त भण्डारीसँग बयान लिएको छ । प्रहरीको केन्द्रिय अनुसन्धान ब्यूरो सीआईबीले भण्डारीसँग आइतबार बिहान बयान लिएको हो । सीआईबी स्रोतका अनुसार भण्डारी आज बिहान ९ बजे सीआईबीको कार्यालयमा उपस्थित भएका थिए ।
भिमकान्त भण्डारीको ६० किलो सुन प्रकरणका मुख्य नाइके दावा छिरिङसँग कनेक्सन देखिएको थियो । भिमकान्त र दवाले सिंगापुरको अकाउण्टमा १० मिलियन डलर ट्रान्सफर गर्नेदेखि यौनकर्मी सप्लाईसम्मको कुराकानी भएको विषयमा सिधाकुराले यसअघि नै खुलासा गरिसकेको छ ।
यति मात्र होइन भिमकान्त र दावाको फोनमा पनि पटक–पटक संवाद हुने गरेको तथ्य अनुसन्धानको क्रममा देखिएको सीआईबी स्रोत बताउँछ । यो बाहेक पनि भण्डारीबिरुद्ध विशेष अदालतमा भ्रष्ट्रचार सम्बन्धी मुद्दा चलिरहेको छ ।
सीआईबीले यसअघि पूर्व उपराष्ट्रपति नन्दबहादुर पुनका छोरा दिपेश पुनको समेत बयान लिइसकेको छ ।
सीआईबीसँग ६० किलो सुन प्रकरणमा प्रतिवेदन पेश गर्न अब मात्र तीन दिन बाँकी छ ।
