काठमाडौँ । संस्कृति, पर्यटन तथा नागरिक उड्डयन मन्त्री बद्री प्रसाद पाण्डेले कांग्रेस–एमालेबीचको सहकार्य रहर नभइ बाध्यता भएको बताएका छन् ।
शनिबार काठमाडौँमा आयोजित बधाई एवं शुभकामना कार्यक्रममा मन्त्री पाण्डले मुलुकको बिकृती र विसंगतीलाई अन्त्यका साथै निराशालाई अन्त्य गर्नका लागि नयाँ सहमति भएको भन्दै उक्त सहमति रहर नभइ बाध्यता भएको बताएका हुन् ।
मुलुकलाई अघि बढाउन कांग्रेस–एमालेले बनाएको ब्रम्हास्तलाई उपयोगी र निर्णायक बनाउनुपर्ने उनको भनाइ छ । मन्त्री पाण्डेले संस्कृति, पर्यटन तथा नागरिक उड्डयनको क्षेत्रमा बिकृतिले जरा गाढेको पाइएको भन्दै त्यसलाई निकास दिने गरि आफु अघि बढ्ने उल्लेख गरे ।
स्वच्छतासहितको काम अहिलेको आवश्यकता भएकाले त्यसमा आफु गम्भीर भएर लाग्ने उनले बताए । उनले विदेशमा रहेका नेपालीलाई स्वदेश फर्कने र स्वदेशमा रहेकालाई अवसर दिने गरि वर्तमान सरकारले काम गर्ने जिकिर गरे ।
