दाङ । सल्यानको ठिनबाङ्ग खोलामा भएको बस दुर्घटनामा परि सवारीधनी तुलसीपुरका विष्णु विश्कर्माको मृत्यु भएको छ ।
बुधबार बिहान दाङको घोराहीबाट रुकुम जाँदै गरेको यात्रुबहाक बस दुर्घटनामा पनि गम्भीर घाइते भएका तुलसीपुर ४ निवासी ४६ बर्षीय विकको मृत्यु भएको हो ।
दाङको घोराहीबाट रुकुम तर्फ जाँदै गरेको रा १ ख २०८५ नम्बरको बस सल्यानको बागचौर नगरपालिकाको थारमारेस्थित ठिनबाङ्ग खोलामा बुधबार बिहान पौने ११ बजे दुर्घटनामा परेको थियो । उनको राप्ती प्रादेशिक अस्पताल तुलसीपुरमा उपचारको क्रममा मृत्यु भएको जिल्ला प्रहरी कार्यालय सल्यानका प्रहरी नायब उपरीक्षक नवीन कार्कीले जानकारी दिए ।
बस दुर्घटनामा परि गम्भीर घाइते भएका ९ जनाको दाङ र नेपालगञ्जमा उपचार भइरहेको छ ।
वैशाख ५, २०८१ ११:०१ मा प्रकाशित
