काठमाडौँ । प्रधानमन्त्री पुष्पकमल दाहाल प्रचण्डले आगामी २८ गते विश्वासको मत लिने भएका छन् । दाहालको सचिवालयले दिएको जानकारी अनुसार विश्वासको मत लिने प्रयोजनका निम्ति संसद सचिवालयलाई पत्र पठाइएको छ।
नेपाली कांग्रेस र नेकपा एमालेले नयाँ सरकार बनाउने सहमतिपछि एमालेले सरकारलाई दिएको समर्थन फिर्ता लिएको थियो । एमालेको समर्थन फिर्तापछि सरकार अल्पमतमा परेको थियो ।
कांग्रेस र एमालेले राजीनामा दिएर नयाँ सरकार गठनको लागि मार्ग प्रशस्त गर्न आग्रह गरेपनि प्रधानमन्त्री प्रचण्डले संसद फेस गर्ने अडान लिएका थिए । प्रधानमन्त्रीले संसद फेस गर्ने बताएपछि रास्वपा मन्त्रीहरुले पनि राजीनामा नदिई फर्किएका थिए ।
असार २१, २०८१ ०३:२९ मा प्रकाशित
