१५ असोज । नेपालले एसियन गेम्समा भारतसँग पहिलो पटक टी २० आई खेल्ने भएको छ । एसियाली खेलकुदको पुरुष क्रिकेटको आज भएको ड्र अनुसार क्वार्टरफाइनलमा नेपाल र भारत खेल्ने टुंगो लागेको हो ।
नेपाल र भारतको खेल मंगलबार बिहान चीनको समय अनुसार बिहान ९ बजे सुरु हुने छ । नेपाल एक महिनाअघि एसिया कप क्रिकेटमा पहिलो पटक भारतसँग ओडीआई खेलेको थियो ।
यस्तै क्वार्टरफाइनलमा पाकिस्तान र हङकङ, श्रीलंका र अफगानिस्तान तथा बंगलादेश र मलेसियाले खेल्ने छन् । भारतले एसियाली खेलमा दोस्रो श्रेणीको टिम पठाएको छ ।
समूह चरणमा मंगोलिया र माल्दिभ्सलाई हराउँदै नेपाल क्वार्टर फाइनलमा पुगेको हो ।
आश्विन १५, २०८० ०२:५७ मा प्रकाशित
