पोखरा । राष्ट्रिय स्वतन्त्र पार्टी (रास्वपा) ले आज पनि सभापति पक्राउको विरोधमा पोखरामा प्रदर्शन गर्दैछ। पार्टीका उपसभापति डीपी अर्यालकाअनुसार आजको विरोध प्रदर्शन पृथ्वी चोकमा हुनेछ । प्रदर्शन मध्यन्न १२ बजेबाट सुरु हुने उपसभापति अर्यालले बताए ।
उनकाअनुसार आजको विरोध प्रदर्शनमा हजारौँ मानिस सहभागी हुने तय भएको छ । पोखराका अलाबा छिमेकी विभिन्न जिल्लाबाट पनि रास्वपा कार्यकर्ता विरोध कार्यक्रममा सहभागी हुन पोखरा आउँदैछन् ।
आजको विरोध सभालाई पार्टीका सांसद एवम् सह महामन्त्री सुमना श्रेष्ठ, प्रमुख सचेतक सन्तोष परियार र केन्द्रिय सदस्य गणेश कार्कीले सम्बोधन गर्नेछन् । पार्टीको कास्की जिल्ला पार्टी समिति र पार्टी केन्द्र सभापति माथिको प्रतिशोधपूर्ण पक्राउको विरुद्ध शृङ्खलाबद्ध आन्दोलनमा छ ।
कार्तिक ५, २०८१ ०९:५८ मा प्रकाशित
