काठमाडौं । नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले ऐतिहासिक छलाङ मारेका छन् । अलराउण्डर ऐरीले टी–२० अलराउन्डरको विश्व वरियतामा ४ स्थान माथि उक्लिएर दोस्रो स्थानमा पुगेका छन् । यसअघि छैटौँ स्थानमा रहेका ऐरी ४ स्थान माथि उक्लिएर दोस्रो स्थानमा पुगेका हुन् ।
विश्व वरियतामा अलराउण्डर ऐरीको रेटिङ २३० रहेको छ । नेपाली खेलाडीले आईसीसीको विश्व वरियतामा हात पारेको यो सबैभन्दा ठूलो सफलता हो । उनीभन्दा अगाडी अर्थात पहिलो स्थानमा इङ्ल्यान्डका लायम लिभिङस्टोन रहेका छन् । त्यस्तै तेस्रो स्थानमा अस्ट्रेलियाका मार्क्स स्टोइनिस रहेका छन् ।
ऐरीले हालसम्म ७० वटा टी–२० अन्तर्राष्ट्रिय खेलेका छन् । त्यस्तै उनले ब्याटिङतर्फ पनि अंक सुधार गरेका छन् । उनी ब्याटिङतर्फ ४३औँ नम्बरमा छन् भने टी–२० बलरको वरियतामा दीपेन्द्र ७१औँ स्थानमा छन् ।
आश्विन १६, २०८१ ०३:०३ मा प्रकाशित
