काठमाडाैँ । पूर्वउपराष्ट्रपति नन्दबहादुर पुनका छोरा दिपेश पुन पक्राउ परेका छन् । ललितपुरको झम्सिखेलबाट केहीबेर अघि उनी पक्राउ परेका हुन् ।
दिपेश पुनलाई पक्राउ गरिएको उपप्रधान एवम् गृहमन्त्री रवि लामिछानेले जानकारी दिए । लामिछानेले भने ‘पुनलाई ललितपुरको झम्सिखेलबाट भर्खरै पक्राउ गरिएको छ ।’
पुनको सुन तस्करीको नाइकेमध्येका एक दावा र सुन तस्करीमा पक्राउ परेका अन्य चिनियाँसँग सिधासम्पर्क देखिएको थियो । तर बयान र अनुसन्धानका क्रममा उनलाई सीआईबीले सामान्य सोधपुछ मात्र गरेको थियो ।
अखिल क्रान्तिकारीका महासचिव समेत रहेका उनलाई सुनको अवैध पैठारी (तस्करी) नियन्त्रणसम्बन्धी गठित आयोगले समेत बयान लिएको थियो ।
चैत्र २, २०८० ०६:५१ मा प्रकाशित
