काठमाडाैँ । कार्यवाहक प्रधानमन्त्री तथा शहरी विकास मन्त्री प्रकाशमान सिंहले सहरी विकासमा देखिएका समस्या समाधान गरेरै अघि बढ्ने प्रतिवद्धता जनाएका छन् ।
आइतबार सिंहदरबारमा नेपाल जग्गा तथा आवास विकास महासङ्घका प्रतिनिधिहरुसँग छलफल गर्दै सिंहले सहरलाई व्यवस्थित तरिकाले अगाडि बढाउनका लागि नीति नियम बनाएर नै अघि बढ्ने समेत बताए ।
ग्रोथको इन्जिन सहरी क्षेत्र भएकाले यसलाई व्यवस्थीत गर्दै लैजानुपर्ने उनले बताए । अर्पाटमेन्टदेखि विभिन्न क्षेत्रमा देखा परेका कमी कमजोरीहरुलाई खोजेर समाधान गर्नुपर्नेमा उनले जोड दिए ।
छलफलका क्रममा महासंघका प्रतिनिधिहरुले सहरी ऐन छिटो ल्याएर यस क्षेत्रमा देखिएका समस्याहरु समाधान गर्नुपर्नेमा जोड दिएका थिए ।
आश्विन ६, २०८१ ०३:२२ मा प्रकाशित
