काठमाडौँ । लामो समयको विवादपछि काठमाडौं महानगरपालिका वडा नं. २४ को शुक्रपथ अहिले तार र बिजुलीको पोल रहित भएको छ । नेपाल विद्युत प्राधिकारण इन्द्रचोक, जुद्धसालिक रोडमा रहेका अव्यवस्थित रहेका पोल हटाउनुका साथै तारहरु भूमिगत गरेको छ ।
फुटपाथ विस्तारको कार्य पहिले नै सकिए पनि फुटपाथको बीच भागमा रहेको बिजुलीको पोलका कारण सर्वसाधारणले हिँड्नका लागि सास्ती भोज्नु परेको थियो । अहिले सो क्षेत्रको बिजुलीको तार, पोल र इन्टरनेट सेवाका तारहरु भूमिगत गरिएसँगै सुन्दर पनि देखिएको छ ।
मंसिर ५, २०८१ ११:५१ मा प्रकाशित
