काठमाडौँ । चितवनको मुग्लिन नारायणगढ सडकखण्डको सिमलतालमा आज बिहान सवारी दुर्घटना भएको छ। विपरित दिशाबाट आइरहेका बस र ट्रक बिहान ६:३५ बजे ठोक्किएर भएको दुर्घटनामा परी ३ जना घाइते भएका छन् ।
ए आर ०१ टि ६३७२ नम्बरको भारतीय यात्रुबाहक बस र ग २ ख ११०८ नम्बरको आइसर ट्रक आपसमा ठोक्किएको इलाका प्रहरी कार्यालय मुग्लिनले जनाएको छ। दुर्घटनामा ट्रक चालक, सहचालक र एक जना ट्रकमा सवार यात्रु घाइते छन् ।
घाइतेहरूलाई उपचारका लागि भरतपुर पठाइएको छ । उनीहरुकाे अवस्था सामान्य रहेकाे प्रहरीले बताएकाे छ। बसमा सबार यात्रुहरू सबै सकुशल छन् । राजमार्गमा कुनै अवराेध नभएकाे पनि मुग्लिन प्रहरीले जनाएकाे छ ।
भाद्र १६, २०८१ ०८:५२ मा प्रकाशित
