काठमाडाैँ । दुर्गा प्रसाईंलाई १ लाख धरौटीमा रिहा गर्न काठमाडौँ जिल्ला अदालतले आदेश दिएको छ । साइबर अपराध गरेको आरोपमा पक्राउ परेका प्रसाईंलाई काठमाडौँ जिल्ला अदालतका न्यायाधीश ठाकुरप्रसाद खरेलको इजलासले १ लाख धरौटीमा रिहा गर्न आदेश दिएको हो । उनीसँग साइबर अपराधसम्बन्धी दुईवटा फरकफरक कसुरमा ५०/५० हजार रूपैयाँ धरौटी माग गरिएको हो ।
प्रसाईँले चरित्र हत्या गरेको भन्दै एक महिलाले साइबर ब्युरोमा जाहेरी दिएकी थिइन् । व्यक्तिगत तवरमा उत्रिएर चरित्रहत्या गरेको आरोपमा प्रसाईंलाई असोज ६ गने भक्तपुरस्थित उनकै घरबाट पक्राउ गरिएको थियो । प्रकाउ परेका प्रसाईंको ९ दिनपछि रिहा भएको साइबर ब्यूरोका प्रवक्त एसपी दीपकराज अवस्थी बताए ।
प्रसाईँविरुद्ध विद्युतीय कारोबार ऐनको दफा ४७ अनुसार कसुर गरेको अभियोगमा ५ वर्ष कैद सजाय मागदाबीसहित मुद्दा दायर गरिएको थियो ।
आश्विन १५, २०८१ ०५:२१ मा प्रकाशित
