यस्तो छ आशिष देउलाले दिएको बयान
मेरो जाहेरवाला कुलबहादुर (नाम परिवर्तन) संग विगत ५ र ६ महिना अगाडि देखी चिनजान भएको हो । म आफू घर बनाउने कन्ट्रक्सन कम्पनी संचालन गर्ने गरेको र सोही कन्ट्रक्सन बनाउनको लागी चाहिने सर सामानहरु समेत बिक्री बितरण गर्ने गरेको हँुदा मैले बरामद भई आएका सर सामानहरु मेरो घरमा लगेर राखेको हुँदा प्रहरी टोली मेरो घरमा गई मैले आफ्नो कन्ट्रक्सनको लागी प्रयोग हुने सर सामानहरु र मैले प्रयोग गर्ने गरेको गाडी समेत वरामद गरी ल्याएको हो । जाहेरवाला कुलबहादुरसंग नाईट क्लबमा जाने क्रममा निजको भाईमार्फत विगत ५ र ६ महिना अगाडीदेखि चिनजान हुन गएको र निज संग चिनजान भईसकेपछी निजले मलाई फोन गरी एक्कासी अपशब्द प्रयोग गरी गाली गलौज गरी मलाई काठमाण्डौ ठमेलमा रहेको सुगर क्लव मुनी बोलाई १० र १२ जना अन्य व्यक्तिहरु समेत भेला जम्मा पारी मलाई कुट्ने तयारी गरेका रहेछन् । म सो ठाउँमा पुग्न साथ निजहरुले मलाई कुट्न लागेको र सोही अबस्थामा उक्त क्लबमा रहेका बाउन्सर समेतलाई खबर गरी प्रहरी टोली समेत आई सकेपछी निजहरु सो ठाउँबाट भागी गएका थिए । पछि निज कुलबहादुरले मलाई पुन फोन गरी गाली गलौज गर्ने धम्क्याउने जस्तो कार्य गरेको र तलाई केटीको केस लगाई फसाई दिन्छु भनी धम्क्याउने गरेको थियो । हामी सबै मिली निज कुलबहादुर र निजको साथी लाई सम्झाई बुझाई अब यसरी फोनमा कुराकानी नगर्ने न धम्क्याउने भनी हामी सबै भई मौखिक सहमति समेत गरेर कुरा टुङग्याई सकेका थियौँ । निजहरुसंग कुरा टुङग्याई सकेको भएता पनि निज कुलबहादुरले मेरो विरामी भएको भतिजलाई विगत १५ दिन अगाडी तिर खुकुरी लिएर हान्न गएको भन्ने खबर मैले सुनेको हुँदा निज जाहेरवालाको भाई लाई बोलाई तिग्रो दाईलाई राग्रो संग सम्झाई देउ, तिमि पनि झगडा नगर भनि निजलाई समेत सम्झाई बुझाई गरेका थियौँ । त्यसको भोलीपल्ट निज कुलबहादुरलाई लगनमा रहेको जात्रामा बोलाई निजको मामा घरमा लगी कुरा गर्ने क्रममा निजको र हामी विचमा हात हालाहालको अबस्था भएको कारण म लगायत मसंग गएका सुबेल पुजारी, ओजस्वी तामाङ, निज कुलबहादुरको साथी समेत भई निजलाई पाईप जोड्न प्रयोग गर्ने फलामको आईरन तताई निजको ढाडमा डामेको हो । मैले निजलाई जबर्जस्ती गाडीमा राखेको छैन ।
म आफुले गाडी चलाएको र म संगै गएका ओजस्वी तामाङ र निज जाहेरवाला तथा निजको साथी सुबेल पुजारी संगै भएको हुँदा मैले कुलबहादुरलाई मेरो भतिजा नाताको मानिसलाई किन खुकुरी हान्न लागेको भन्ने विषयमा कुरा गर्न तिम्रो आमालाई पनि फोनमा कुरा गर नत्र तिम्रो घरमा जाउँ, नभए प्रहरी कार्यालय जाउँ भन्दा निजले घरमा जाँदा आमालाई नराम्रो हुन्छ, मेरो मामाको घर नजिकै छ, त्यही जाउँ भनी मलाई भनेको हुदा मैले गाडी चलाई निज पछाडी बसी निजले भने अनुसार निजको मामा भन्ने मानिसको घरमा गएका हौ । जाँदा निजलाई कुनै प्रकारको डर त्रास तथा धाक धम्की केही दिएको छैन । निज राजी खुसी साथ हाम्रो साथ लागी गएका हुन् । मैले निजलाई मेरो आफन्तको घरमा लगेको होईन । निजले मेरो मामाको घरमा जाउँ भनेको हुदा निजले भने अनुसार निजको मामाको घरमा गएका हौँ । सो घरमा गई सके पछी निज कुलबहादुर, एकिन नाम थर वतन थाहा नभएको निजको साथी, निजले साथी भनेर बोलाउने गरेको सुबेल पुजारी, म , ओजस्वी तामाङ र निजको मामा भन्ने घर धनी समेत कोठामा भएको अबस्थामा निज खाटमा बसेको र पछी मैले निजलाई तैले लगाएको लुगा खोल भनी धम्की पुर्ण भाषा प्रयोग गरी मैले भनेको हुँदा निजले आफुले लगाएको माथीको लुगा खोलेको हुँदा मैले पाईप जोड्नको लागी प्रयोगमा ल््याउने गरेको फलामको आईरन तताई ज्यान मार्ने उद्देश्यले निजको ढाडमा डामेको हुँ । निजलाई कोठामा लगी सके पछी मेरो भजित पर्ने केटालाई निज समेत मिलि खुकुरी हानेको र पुन अर्को भतिजलाई समेत खुकुरी हान्ने कुरा गरेको भन्ने मैले थाहा पाएको हुँदा के कति कारणले खुकुरी हानेको हो भनी निजलाई सोधेको थिएँ, निजले सो विषयमा केही नवताएको कारण मैले निजलाई खाटबाट भुईमा बस्न लगाई लुगा समेत खोल भनेको र सोही समयमा को कसले मलाई फलामको आईरन तताएर ल्याई दिएको हुँदा सोही आईरनले मैले निजलाई ज्यान मार्ने उद्देश्यले डामेको हो । निजलाई मैले फलामको आईरनले ४ पटक सम्म डामेको याद छ, सो बाहेक अन्य को कसले कति पटक डामेका हुन मलाई याद भएन । मैले निजलाई फलामको तातो आईरनले डाम्दा घर धनि सोही कोठा भित्र थिए , निज विशाल पोडेको पहिले अन्य केटाहरु संघ समेत झगडा परेको रहेछ , सोही विषयमा निज संग कुरा गरि रहेको थिए , अन्य कुनै भुमिका छैन । मैले निज कुलबहादुरलाई डाम्नको लागी प्रयोगमा ल्याएको आईरन प्रहरीले मेरो घरबाट बरामदी मुचुल्कामा उल्लेख गरि बरामद गरी ल्याएको छ ।
त्यस्तै अर्का प्रतिवादी ओजस्वी तामाङले पनि देउलाले पीडितलाई यातना दिएको पुष्टि गरेका छन् ।
यस्तो छ ओजस्वी तामाङको बयान
मिति २०८१/०५/०७ गते दिनको ३ बजेको समयमा म र आशिष देउला पुन जात्रा हेर्न भनी आशिष देउलाको बा ७ च ६४६१ न। को पजेरो गाडीमा चढी बुढानिलकण्ठबाट टेकुमा आएकोमा सोही समयमा जाहेरी दरखास्तमा नाम उल्लेख भएका प्रतिबादी जाहेरवालासंग भेट भएको र भेट भई सकेपछी आशिष देउला र कुलबहादुरले पहिले अर्को केटालाई खुकुरी हानेको विषयमा कुराकानी गरी कहाँ गएर कुरा गर्ने हो हिड, तेरो घरमा जाने हो की प्रहरी कार्यालय जाने हो की, तेरो घरमा जाने हो भनी कुरा गर्दा निजले मेरो घरमा आमा विरामी हुनुहुन्छ, मामा घरमा जाने भनेको हुदा म, सुबेल पुजारी ,आशिष देउला, निज विशाल पोडेको साथी र विशाल पोडे समेत गरी जम्मा ५ जान भई आशिष देउलाको गाडीमा चढी निज विशाल पोडेको मामा घरमा गएका हौँ । निजको मामा घर सम्म गाडी नजाने भएको हुदा गाडी तल बाटैमा रोकी कुलबहादुर, आशिष देउला, सुबेल पुजारी र कुलबहादुरको साथी र कुलबहादुरेकै मामा समेत पहिले घर भित्र गएका हुन । निज आशिष देउलाले गाडीमा हुक्का समेत लिएर आएको हुँदा मलाई गाडीबाट हुक्का लिएर आईज भनेको हुँदा म गाडी बाट हुक्का लिएर जाँदा कोठा भित्र ८/९ जना भेला जम्मा भई रहेका थिए, निजहरु सबैले नेवारी भाषामा कुरा गरि रहेका थिए, मैले निजहरुको कुरा नबुझ्ने भएको हुँदा के कुरा गरे मलाई जानकारी भएन । म कोठामा पुग्दाको अबस्थामा आशिष देउलाले हातमा फलामको आईरन बोकी रहेका थिए । जाहेरवाला कुलबहादुर खाटमा बसी रहेका थिए । पछी आशिष देउलाले निज विशाल पोडे लाई भुईमा बस भनी भुईमा बस्न लगाएको र सोही अबस्थामा निज आशिष देउलाले फलामको आईरनले निज कुलबहादुरको ढाडमा फलामको तातो आईरनले ज्यान मार्ने मनसाय लिई डामेको र सो अबस्थामा निजले मलाई छाडी दिनु भनी आग्रह गरेको र कोठामा भएका अन्य मानिसहरुले समेत भयो छाडी देउ भन्दा समेत आशिष देउलाले हुदैन यसले अति गरी सक्यो यसलाई छाड्नु हुदैन भनी डामेका हुन निज आशिष देउलाले सोही समयमा निजलाई समाउ भनेको हुँदा मैले निज विशाल पोडेको एउटा हात समाई दिएको हुँ । मैले हात समाएको अबस्थामा समेत निज आशिष देउलाले जाहेरवालाको डाढमा डामेका हुन्।
भदौ १७ गते देउलाबाट पीडित भएका व्यक्तिहरुले हामीलाई आफूले भोगेको यतानाबारे सुनाएका थिए । हामीले घटनाबारे बताएपछि काठमाडौँ प्रहरी परिसरका प्रमुख प्रहरी वरिष्ठ उपरिक्षक बसन्त रजौरेले तत्काल एक्सन लिएका थिए । १८ गते देउलालाई पक्राउ गर्न डिएसपीको कमाण्डमा २ जना इन्स्पेक्टरसहित २५ जना सादा पोशाकमा खटाइएको थियो । उक्त टोलीले सोही दिन साँझ देउलाको घरमा छापा मारेर उनीसहित ४ जना नियन्त्रणमा लिएको थियो । प्रहरीले आशिष देउला र उनका साथीहरु ओजस्वी तामाङ, राजेन्द्र घले र साजन गुरुङ पक्राउ गरेको थियो । जसमध्ये २ जनालाई प्रतिवादी बनाई मुद्दा दायर गरेको छ ।
यस घटनासँग सम्बन्धित समाचार :
नाइट क्लब छिरेका युवाहरुलाई बन्धक बनाएर पाशविक यातना
‘मलाई ड्रिल मेसिन हानौँ कि आइरनले पोलौँ भनेर सोध्योे, मैले बाँच्ने आशमा आइरन रोजेँ’
‘मेरो आँखामाथि धारिलो हतियारले हानियाे, रगत बगिरहेको घाउमा सन्चो दलियाे’
