काठमाडाैँ । उपप्रधानमन्त्री तथा गृहमन्त्री रवि लामिछानेले प्रतिनिधि सभाको राज्य व्यवस्था तथा सुशासन समितिमा जानकारी दिने भएका छन् । गृहमन्त्री लामिछानलाई गृह मन्त्रालयको काम कारबाहीका विषयमा छलफल गर्न बोलाइएको छ ।
सिंहदरबारस्थित समितिको सभाकक्षमा बस्ने सो बैठकमा गृह मन्त्रालयसँग सम्बन्धित समसामयिक विषयमा छलफल गर्ने कार्यसूची रहेको सचिवालयले जनाएको छ ।
कांग्रेस नेता रामहरि खतिवडा सभापति रहेको यो समितिको कार्यक्षेत्रभित्र गृह मन्त्रालय पर्छ । सम्बन्धित मन्त्रालयको काम कारबाहीको विषयमा सम्बन्धित मन्त्री समेतको उपस्थितिमा छलफल गर्न लागिएको समितिका सचिव सुरजकुमार दुराले जानकारी दिएका छन् ।
चैत्र १४, २०८० ११:३४ मा प्रकाशित
