काठमाडाैँ । मिटरब्याज पीडितहरुको समस्याबारे अध्ययन गर्नका लागि नयाँ जाँचबुझ आयोग गठन भएको छ । सरकारले पूर्वन्यायाधीश तेजबहादुर कार्कीको नेतृत्वमा मिटरब्याजसम्बन्धी जाँचबुझ आयोग गठन गरेको हो ।
बिहीबार बसेको मन्त्रिपरिषद् बैठकले उच्च अदालतका पूर्वन्यायाधीश कार्कीको नेतृत्वमा तीन सदस्यीय आयोग बनाएको हो । उक्त आयोगमा पूर्व एआईजी पुस्कर कार्की र सञ्जिव मिश्र सदस्य छन् ।
गठन भएको उक्त आयोगले अनुचित लेनदेन (मिटरब्याज) अपराध नियन्त्रणका लागि तीन महिनाभित्र सुझावसहितको प्रतिवेदन पेश गर्नेछ ।
सरकारले यसअघि पनि पूर्वन्यायाधीश गौरीबहादुर कार्कीको नेतृत्वमा आयोग बनाएको थियो तर उक्त आयोगले आफूहरुले समस्या समाधान गरेको भन्दै पीडितहरु पुन काठमाडौँ केन्द्रित आन्दोलनमा होमिएपछि गृहमन्त्री रवि लामिछानेको नेतृत्वमा वार्ता भएको थियो । वार्तापश्चात घर फर्किएपछि सहमतिअनुरुप नयाँ जाँचबुझ आयोग गठन गरिएको हो ।
