काठमाडौँ । नेपाली कांग्रेसका सांसद चन्द्र भण्डारीले गलत मन्छेको हातमा मुलुकको बागडोर पुगेको बताएका छन् । बिहीबार प्रतिनिधि सभा बैठकमा बोल्दै नेता भण्डारीले मुलुकको नेतृत्व गलत मान्छेको हातमा पुग्दाका क्षति सर्वत्र देखिएको बताए ।
गलत मान्छेले नेतृत्व गर्दा राज्यको आर्थिक स्रोत र साधनमा सीमित मानिसहरूको हालिमुहाली भएको र अर्थतन्त्र डामाडोल भएको उनले भनाई छ । ‘उद्योग, बीमा, बैंक, व्यापार, बीमा जस्ता आर्थिक स्रोतहरूमा सीमित व्यक्तिको पहुँच भयो, राज्य भन्दा निजी व्यवसायीहरू बलिया भए,’ भण्डारी भन्छन्, ‘अब राज्यले चाहेर केही हुन्छ ।’
सांसद भण्डारीले युवाहरू पलयान हुँदा देशको ग्रामीण क्षेत्र जर्जर अवस्थामा पुगेको र मुलुकको सामाजिक पद्धति समेत खल्बलिएको बताए । सांसद भण्डारीले गाँजा खेतीलाई व्यवस्थित गरिनु पर्ने पनि माग गरे ।
फाल्गुन १०, २०८० १२:२५ मा प्रकाशित
