काठमाडौँ । सर्वोच्च अदालतको न्यायाधीशमा प्रस्तावित न्यायाधीश नृपध्वज निरौलाविरुद्ध दुईवटा उजुरी परेको छ । न्यायपरिषद्ले न्यायाधीश सिफारिस गरेका निरौलासहित नित्यनन्द पाण्डेविरुद्ध माग गरिएको उजुरी अवधिमा निरौला विरुद्ध मात्रै दुई उजुरी परेको संसदीय सुनुवाई समितिले जनाएको छ ।
निरौला विरुद्धको एक उजुरी कानुनी र अर्को समसामयिक विषयसँग सम्बन्धित रहेको सुनुवाई समितिकी सहसचिव निर्मलादेवी लामिछाने वस्तीले सिधाकुरालाई बताईन् । उनकाअनुसार सांसदहरुको उपलब्धता हेरेर छिट्टै उजुरी खोल्ने र सुनुपाई प्रक्रिया थालनी गरिने उनको भनाई छ ।
‘दुईजना मध्ये नृपध्वज निरौला विरुद्ध मात्रै २ वटा उजुरी परेका छन्,’ उनले सिधाकुरासँग भनिन्, ‘एउटा उजुरी कानुनी विषयसँग र अर्को समसामयिक विषयसँग सम्बन्धित छ ।’
सहसचिव वस्तीकाअनुसार एक उजुरी समितिमा पीडित आफैँ उपस्थित भएर गरेका हुन् भने अर्को उजुरी इमेल मार्फत आएको थियो । उजुरीको व्यहोरा खोलेपछि मात्रै सार्वजनिक गरिने उनको भनाई छ ।
असोज ११ गतृे बसेको न्यायपरिषद् बैठकले सर्वोच्च अदालतको रिक्त न्यायधिशमा निरौला र पाण्डेलाई नियुक्त गर्न सिफारिस गरेको थियो । सर्वोच्चमा ६ जना न्यायाधिशको पद रिक्त रहे पनि १ र ६ नम्बरको न्यायाधीश नियुक्त गरेर चलखेल गरिएको भन्दै नेपाल बार एशोसिएसनले विरोध जनाएको थियो । न्यायाधीश नियुक्तीमा चलखेल गरेको भन्दै नेपाल बार एशोसिएनका अध्यक्ष गोपाल कृष्ण घिमिरेले सार्वोच्च अदालतका तत्कालिन प्रधानन्यायाधिश विश्वम्भर प्रसाद श्रेष्ठविरुद्ध लेनदेन गरेर निर्णय गरेको आरोप लगाएका थिए ।
सो प्रकरणमा घिमिरेविरुद्ध सर्वोच्च अदालत प्रशासनले अदालतको अवहेलनामा मुद्दा समेत दायर गरेको छ ।
-
* * * Snag Your Free Gift: http://pas.am/uploads/6ocknd.php?0t4fq8 * * * hs=a802317536287a1dab0251af6d110530* 1 months agou814s5
-
* * * <a href="http://pas.am/uploads/6ocknd.php?0t4fq8">Win Free Cash Instantly</a> * * * hs=a802317536287a1dab0251af6d110530* 1 months agonxs7s2
-
⛏ You have a message # 691. Go - https://telegra.ph/Go-to-your-personal-cabinet-08-25?hs=a802317536287a1dab0251af6d110530& ⛏ 1 months agogtjsg8
