काठमाडौं । इलााम २ को उपनिर्वाचनका लागि उम्मेदवार टुंगाउन नेपाली कांग्रेसले कार्यसम्पादन समितिको बैठक बोलाएको छ । दिउसो २ बजे सभापति शेरबहादुर देउवाको निवासमा बस्ने बैठकले बैशाख १५ मा इलाम २ र बझाङमा हुन लागेको उपनिर्वाचनका लागि उम्मेदवार टुंगाउने कांग्रेसका एक नेताले जानकारी दिए ।
उपनिर्वाचनका लागि चैत २४ गते उम्मेदवारको मनोनय दर्ता गर्ने निर्वाचन कार्यतालिका रहेको छ । उपनिर्वाचनमा इलाम २ का लागि
भेषराज आचार्य, डम्बरबहादुर खड्का, केशव थापा, नगेन्द्र कुमाल, रमेश लिङ्देन, चन्द्रमाया लिम्बु र शान्तिकला राई तामाङको नाम सिफारिस भएको छ ।
त्यस्तै बझाङ प्रदेशसभा १ मा अभिषेक सिंहसँगै सत्यराज भण्डारी, विष्णुकुमार सिंह, जगतप्रसाद जोशी, नन्दकृष्ण जोशी, लोकेन्द्रबहादुर रोकाया, शान्तिकुमारी बोहरा, अर्जुन स्याडाँ, ध्रुवराज उपाध्याय र नारायण हमालको नाम सिफारिस भएको छ ।
