इलाम । विषालु सर्पले डसेर इलाममा एक महिलाको मृत्यु भएको छ । इलाम नगरपालिका २ सुम्बेक निवासी ४१ वर्षीया महिला सीता राईको उपचारको क्रममा मृत्यु भएको हो ।
मृतक सीतालाई आईतबार राती ११ बजे शौचालय जाने क्रममा हातको कान्छी औँलामा सर्पले डसेको थियो । उपचारको लागि उनलाई झापाको चारआलीस्थित सर्पदंश उपचारमा केन्द्रमा पुर्याइएको थियो । सोमवार बिहान ४ बजे अस्पताल पुर्याइएको उनको त्यहाँ उपचार सम्भव नभएपछि बिएण्डसी अस्पताल लगिएको थियो । उनको उपचारकै क्रममा निधन भएको वडा अध्यक्ष गिरीराज रिजालले जानकारी दिए ।
केही दिनदेखि मेची राजमार्गको राजदुवालीमा सडक अवरुद्ध भएपछि उनलाई माईजोगमाईको केन्द्र नयाँबजार हुँदै झापा लागिएको थियो । समयमा नै अस्पताल पुर्याउन नसक्दा उनको मृत्यु भएको अध्यक्ष रिजालको भनाई छ । सर्पले डसेपछि उनलाई अस्पताल पुर्याउन नै ५ घण्टा लागेको थियो ।
